ឡូយណាស់! រុស្សីដាក់បង្ហាញរថក្រោះមនុស្សយន្តធំបំផុតលើលោក ..... [មានវីដេអូ]

ជាថ្មីម្តងទៀត ប្រទេសរុស្សីបានបញ្ជាក់ពីការរីកចម្រើនផ្នែកសព្វាវុធទំនើបៗរបស់ខ្លួនទៅកាន់ពិភពលោក ដោយបានបង្ហាញនៅរថក្រោះយោធាមនុស្សយន្តធំបំផុតលើលោក ឈ្មោះថា Vikhr វាត្រូវបានគេបញ្ជាឲ្យធ្វើសកម្មភាពទាំងឡាយពីចម្ងាយដោយងាយស្រួល ហើយថ្មីៗនេះវាត្រូវបានគេយកមកធ្វើសមប្រយុទ្ធនៅបន្ទាយមួយកន្លែងក្នុងប្រទេសរុស្សី។



យោងតាមវីដេអូយើងអាចឃើញថាវាបានធ្វើដំណើរបើកបរទៅមុខឆ្លងកាត់ដីភក់ ទឹក និងបន្ទាប់មកបាញ់កាំភ្លើងយន្តពីចង្ងាយ ដោយគ្មានវត្តមានរបស់មនុស្ស ឬទាហានណាម្នាក់នៅក្បែរឡើយ។

លក្ខណះពិសេសរបស់រថក្រោះយោធាមនុស្សយន្ត Vikhr គឺ:

មានកាំភ្លើងយន្តធំ ប្រវែង 7 ម៉ែត្រ

វាមានកំពស់ ៣.៣ម៉ែត្រ

មានទម្ងន់ ១៤.៧ តោន

មានមីស៊ីលបាញ់ដេញរថគ្រោះចំនួន ៧ គ្រាប់

អាចផ្លាស់ប្ងូរកាំភ្លើងយន្ត ទៅជាកាំភ្លើងបាញ់បណ្តាតភ្លើងជំនួសវិញ

អាចបើកបរលើដីគោកក្នុងល្បឿន ៦០គីឡូម៉ែត្រក្នុងមួយម៉ោង និងបើកបរឆ្លងទឹកក្នុងល្បឿន ១០គីឡូម៉ែត្រក្នុងមួយម៉ោង។
វាអាចតម្រង់បាញ់សត្រូវពេលកំពុងធ្វើចលនា រហូតដល់សត្រូវខូចខ្ទេច

វីដេអូរបស់រថក្រោះយោធាមនុស្សយន្ត Vikhr ទទួលបានការចាប់អារម្មណ៍យ៉ាងខ្លាំងបន្ទាប់ពីវាត្រូវបានបង្ហោះចូលបណ្តាញសង្គមធំៗ។ សូមទស្សនាវីដេអូរបស់វាខាងក្រោមនេះទាំងអស់គ្នា: