គន្លឹះ 5 ​ទាយ​សមត្ថភាព​លើ​គ្រែ​នារី​ ដោយ​មើល​កាយវិការ​ក្រៅ

ជួនកាល​នារី​មឺសៗ​កេះ​ឆ្នាំង​បាយ​ធ្លុះ​ចំពោះ​រឿង​ជំនាញ​លើ​គ្រែ ហើយ​ជួនកាល នាង​គ្រាន់តែ​គេង​ស្ងៀមៗ រង់ចាំ​ទទួល​ទឹក​អម្រិត​ប្រោះ​ព្រំ។

តើ​ទៅរួច​ទេ​ដែល​អាច​ទស្សន៍ទាយ​នូវអ្វី​ដែល​នារី​ចូលចិត្ដ​ចំពោះ​រឿង​លើ​គ្រែ? អ្នកវិទ្យាសាស្ដ្រ​ផ្នែក​ផ្លូវភេទ ឆ្លើយ​ថា «អាច! តែ​ក៏តាម​កាលៈទេសៈ​ដែរ»។

វេជ្ជបណ្ឌិត Helen Fisher ជានរ​វិទូ​នៅ​សាកលវិទ្យាល័យ Rutgers University និងជា​អ្នកនិពន្ធ​សៀវភៅ​ថ្មី «Why We Love» បាន​និយាយ​ថា៖ «វា​ពិបាក​វាស់​ស្ទង់​ណាស់។ ស្បែកជើង​កែង​ចោត សំពត់​ខើច​ខ្លី និង​ដំណើរ​ហុច ឆ្លុះ​បញ្ចាំង​តែ​បន្ដិចបន្ដួច។ ទាំង​នោះ​គឺជា​សញ្ញា​បង្ហាញ​បំណង ប៉ុន្ដែ​មិនមែន​មាន​ន័យថា នារី​នោះ​ពូកែ​រឿង​លើ​គ្រែ និងងាយ​សម្រប​តាម​ចិត្ដអ្នក​ឡើយ»។

ខាងក្រោម​នេះ​គឺជា​វិធី​ទាយ​សមត្ថភាព​លើ​គ្រែ​របស់នារី៖

អាហារ​ពេល​ល្ងាច នាង​ចង់​ញ៉ាំអី នាង​ប្រាប់ ច្បាស់ៗ

នារី​ដែល​ដឹង និង​និយាយ​នូវ​អ្វីដែល​ខ្លួន​ចង់ សូម្បី តែ​នៅពេល​ឆ្លើយ​សំណួរ​បែប​ងាយៗ ទំនងជា​ប្រភេទ​មនុស្ស​ក្លាហាន​រឿង​លើ​គ្រែ។ ដៃគូ​ដ៏ល្អ​ចេះ​ទទួល​ខុសត្រូវ​ចំពោះ​ភាព​ស្រណុក​របស់​ខ្លួន។ ពួកគេ​មិន​ចូលចិត្ដ​ធ្វើអ្វី​លំៗ​ឡើយ។

Fisher បន្ដថា៖ «បុគ្គល​ម្នាក់​អាច​ចូលចិត្ដ​ម្ហូប​ជប៉ុន តែ​មិន​ចូលចិត្ដ​ភីហ្សា។ នារី​ខ្លះ​ចង់ឲ្យ​ដៃគូ​ញក់ញី​ចុង​សុដន់​របស់​ខ្លួន ខណៈ​នារី​ផ្សេង​ទៀត​ត្រូវការ​ភាព​ទន់ភ្លន់»។

ឥរិយាបថ​ទទួលទាន

ចូរ​កត់សម្គាល់​ពីរបៀប​របប​ដែល​នាង​ទទួល​ទាន​អាហារ។

Candida Royalle ផលិតករ​ភាពយន្ដ​ក្ដៅសាច់​ផ្ដោតលើ​សេចក្ដី​ត្រូវការ​ស្ដ្រី និង​ជាតារា​សិច​ជើងចាស់ និយាយ​ថា៖ «ចូរ​រំពៃមើល​ពីរបៀប​នាង​ប្រើ​សមថា តើនាង​បង្ហាញ​ទឹកមុខ​រីករាយ​ឬទេ? តើមាត់​នាង ទំពា​អាហារ​ឆ្ងាញ់​ដែរ​ឬទេ? តើ​នាង​ញ៉ាំ​យឺត ឬ​ញាប់ និង​ល្មមៗ​ឬទេ? បើនាង​ទទួល​ទាន​យឺត​មួយៗ វាអាច​ស​បញ្ជាក់ថា ពួកគេ​ក៏​ចូលចិត្ដ​រួមភេទ​អូសបន្លាយ​ពេល​យូរ»។

អត្ដចរិត និង​ដំណើរ

វេជ្ជបណ្ឌិត Michael Cunningham សាស្ដ្រាចារ្យ​ចិត្ដសាស្ដ្រ​សង្គមវិទ្យា​នៅ​សាកលវិទ្យាល័យ Louisville បាន​និយាយថា៖ «អ្វីដែល​ត្រូវ​រំពៃរក​មុនគេ​គឺការ​វិភាគ​សម្ដី​សំដៅ និង​ដំណើរ។ បើ​ដំណើរ និង​អត្ដចរិត​កាយវិការ​នាង​ដូចអ្នក អ៊ីចឹង​ចំណង់​ផ្លូវភេទ ដែល​មិន​បង្ហាញ​ឲ្យឃើញ​មក​ក្រៅ ក៏ដូច​អ្នក​ដែរ។ បើ​បុគ្គល​ម្នាក់​បង្ហាញ​កាយវិការ​រាងវើកៗ ហើយ​អ្នក​ម្នាក់ទៀត​រហ័ស​រហួន ពួកគេ​ក៏អាច​មាន​សន្ទុះ​ចំណង់​ផ្លូវភេទ​ខុសគ្នា​ដែរ»។

លោក​បន្ដថា៖ «បើ​ភាគី​ម្នាក់​និយាយ​អំពី​អ្វីមួយ ហើយ​ភាគី​ម្នាក់ទៀត​បង្វែរ​ទៅ​ជជែក​រឿង​ផ្សេង បញ្ហា​លើ​គ្រែ ពួកគេ​ក៏ស្រដៀង​គ្នា​អ៊ីចឹង​ដែរ»។

សិល្បៈ​នៃការ​ថើប

វេជ្ជបណ្ឌិត Ava Cadell ជា​សិចវិទូ និងជា​អ្នកនិពន្ធ​នៅ​ក្រុង​ឡូសអេនជឺលេស បាន​និយាយ​ថា៖ «សិល្បៈ​នៃការ​ថើប​របស់​អ្នក​ឆ្លុះបញ្ចាំង​យ៉ាង​ច្រើន​ពីសិល្បៈ​រួមភេទ​ដែរ»។

អ្នកស្រី បន្ដថា៖ «ដៃគូ​រួមគ្រែ​ដ៏​ឆ្នម​របស់​នាង​ក៏ចេះ​បង្កើត​នូវភាព​រំជើប​រំជួល​ផងដែរ។ ពួកគេ​ផ្ដើម​ពីការ​ថើប​លេងៗ រួច​បន្ទាប់​លិទ្ធ​បបូរមាត់​ទាំង​លើ និង​ក្រោម​របស់​អ្នក ហើយ​ខណៈ​ពេល​នោះ នាង​ក៏​យកដៃ​លេង​សក់​ថែម​ទៀត។ វា​មិនខុស​អីពី​ចង្វាក់រាំ​នោះ​ឡើយ»។

សិល្បៈ​នៃ​ការរាំ

ដៃគូ​រួមភេទ​ពូកែ អាច​ស្វែងរក​នៅ​កន្លែង​រាំរែក។ សិល្បៈ​នៃការ​រាំឆក់​អារម្មណ៍​មាន​លក្ខណៈ​ច្រើនយ៉ាង ហើយ​ការរាំ​នេះ​គឺជា​ថាមពល​ដែល​ជួយ​លើ​សម្រស់​នារី​មាន​រូបរាង​ស្រលូន​ស្រស់ ស្អាត។ ប៉ុន្ដែ​អ្វីដែល​មាន​អត្ថន័យ​គឺថា ការរាំ​ឆ្លុះ បញ្ចាំង​ពីជំនឿ​ចិត្ដ និង​ទំនាក់ទំនង​សង្គម៕